Wanpla long tupla lastpla papa blong Mama loa blong Papua New Guinea i askim strong gavman na ol politikal lida blong kantri long givim paua oa otonomi igo long han blong ol pipal blong kantri, na noken larim i sanap long arere, arere, na lukluk tasol long wonem ol samting iwok long kamap long gavman.
Grand Chief Dr John Momis, husat wantem Sir John Kaputin ibin helpim long kamapim mama loa blong PNG, i mekim despla toktok pastem long kantri bai makim faifpla ten yiar Golden Jubili blong independens long16 September 2025.
Emi tok planti ol provins long kantri igat ol saveman-meri istap long lukautim gut ol wanwan provins blong ol iet na helpim ol pipal blong ol i kamap strong ne helpim ol femili na ikonomi blong ol provins.
Dr Momis husat, Chancellor blong University blong Natural Resources na Envairaman long Vudal, i tokim Caroline Tiriman olsem bai gutpla tru sopos ol provins i lukautim ol iet.
Credits
Image Details
Former ABG President, Chief Dr John Momis (NDFM)