Straek blong ol skul tija long Vanuatu hem bin gohet long ova wan yia nao be hem luk olsem straek ia bae hem no kolsap end yet.
Ol kot blong Vanuatu inkludim Court of Appeal wea hem haeest kot i rul finis se straek blong ol memba blong Vanuatu Teachers Union ia hem legal or hemi stret anda long loa.
Be nao ia taem Term 3 blong school year hem redi blong stat long Mande namba 8 blong Septemba, hem luk olsem industrial aksen blong ol tija ia hem go strong moa.
Vanuatu Teachers Union Secretary General, Jonathan Yona hem se Union hem givim wan 14-day notis finis blong wan aplikesen long kot blong Gavman hem mas peim damej kleim blong 613 teachers wea Gavman ibin saspendem or sakim ol.